Maja Salvador talks about relationship with Gerald Anderson and friendship with Kim Chiu!

Gerald's photo grabbed from his Instagram account. 

Matapos pumutok ang issue between her and Kim Chiu, at tungkol sa kanila ni Gerald Anderson... naging mailap na sa interviews si Maja Salvador. Pero nang ma-corner siya ng Cinemanews sa isang event, naging bukas si Maja tungkol sa real score sa pagitan nila ngayon ni Gerald, at sa estado ng friendship nila ni Kim. Interview na lumabas din sa The Buzz nitong Linggo.

Dahil sa madalas na paglabas sa Instagaram ng photos nila together, ibig bang sabihin nito ay sila na nga ni Gerald at open na sila sa public about their relationship?

"Ay hindi. Agad agad? Nagmamadali? Sinagot naman niya di ba... Sinabi niya na kinikilala namin ang isat isa. Parang hindi naman nagliligawan e, parang nage-enjoy lang talaga sa company ng isat-isa. Kasi di ba kapag may nanliligaw sayo umaarte ka? Gusto mo nagpapaka-girl ka? Hindi ako ganun e. Hindi ako ganun sa kanya. Basta masaya lang yung company namin."

Ipinagtanggol din ni Maja ang aktor sa mga intrigang lumalabas na kesyo playboy at madalas itong magpa-iyak ng babae.

"Kasi ganun din naman yung tingin ko sa kanya dati, nung mga panahong hindi ko pa sya kilala pero once na makilala mo… kasi tayo naman hindi maiiwasan talaga na makapagsalita ka ng o kaya makapag-isip ka ng hindi maganda sa isang tao lalo na kapag may mga nagsasabi sayo... Kung sa akin manggagaling na ipagtatanggol ko sya siyempre sasabihin nila siyempre nililigawan ka niya kaya pinagtatanggol mo siya. Pero sa nakikita ko si Ge napakabait na tao. Sabi ko sa kanya kaya maraming nagagalit sayo e kasi napakabait mo, sobrang gentleman mo."

So silang dalawa ang magkakampi ngayon against all odds?

"Parang oo naman. Hindi ko yun hiniling sa kanya pero nandyan siya lagi."

Ano naman ang saloobin niya kapag si  Kim Chiu na ang pinag-usapan, at ang kanilang nagkalamat na pagkakaibigan?

"Tulad po ng sinabi ko, mas pinipili ko yung peace, yung tahimik na lang kaysa magsalita ako at ipagtanggol ko at sabihin yung side ko, yung mga totoong bagay na dapat malaman ng tao, pero hindi na rin kasi hahaba, lalong guguglo, iingay. Baka mas lalong grumabe yung mga issues kasi andaming may alam nung istorya, may version ko, version niya, version ni Gerald, version niyo, version ng ibang tao. Eh kung dadagdag pa yung version ko, lalo pang gugulo lahat."

Does she still value her friendship with Kim?

"Ayoko na i-defend sarili ko basta ako alam ko na… alam ko na… alam ko na alam niya na naging totoo akong kaibigan at hanggang ngayon nandito pa rin ako."

Magiging maayos din ba ang lahat sa kanila soon?

"Naghihintay lang ako. Naghihintay lang ako. Kasi… kailan lang naman ako tumigil mag-effort eh. Kasi kahit anong mangyari, kahit na anong mangyari kaibigan pa rin niya ako. Kasi ang pagkakaibigan naman nagkakaintindihan pero nandito lang kami sa lugar ngayon, sa situation ngayon na kailangan naming pagdaanan, hindi ko man maibalik yung friendship na meron kami, pero sana in time, ma-realize niya, ng lahat, na nandito ako bilang totoong kaibigan."

Totoo bang nagkaka-totohanan na ang mga confrontation scenes nila sa Ina, Kapatid, Anak? At umabot pa sa puntong nagwalkout diumano si Kim sa isang taping?

"Ayoko na lang palakihin, ayoko, hanggat maari, ayokong…hindi siya karapat-dapat siraan bilang kaibigan ko siya."