Bakit umiyak si John Lloyd Cruz sa movie Press Conference at The Buzz kahapon?

Kahapon ay ginanap ang press conference ng pinaka-kilig na movie ng taon, ang part 3 ng love story nina Laida at Miggy na ginagampanan nina Sarah Geronimo at John Lloyd Cruz, ang "It Takes A Man and A Woman." Marami ang nagulat nang biglang maging emosyonal at mapaiyak si John Lloyd. Kaagad bumuo ng espekulasyon ang mga nakasaksi tungkol sa pinagdadaanan ng aktor.

But according to my very reliable source na narinig mismo ang paliwanag ni John Lloyd, ang dahilan daw ng pag-iyak nito ay ang mami-miss niyang mga kasama sa pelikulang humigit-kumulang isang taon nilang ginawa, ito ngang third movie team-up nila ni Sarah. Ilang araw na raw walang tulog si John Lloyd at talagang super pagod sa taping. Kaya sa last taping nila kahapon ng madaling araw, dahil sa pagod ay hindi na nito nagawang i-express ang saya at pasasalamat sa lahat ng kasama niya sa set. Kanina lang daw sa presscon nag-sink in lahat sa aktor na tapos na ang shooting nila... at ayun nga, hindi na niya makakasama yung mga taong naging close na sa kanya habang ginagawa ang pelikula. Habang kinukwento ito sa akin, mas lalo akong humanga kay Lloydy. Ibang klase rin ang kabaitan ng ultimate leading man na ito. Pamilya talaga kung ituring ang mga ka-trabaho.

Sa guesting naman niya sa The Buzz, sa VTR bago ang live interview sa kanya ni Tito Boy Abunda, nagsalita ang mga babaeng naging parte ng career at buhay ni Lloydy patungkol sa gaano kasarap katrabaho ang aktor. Pinatunayan nilang lahat ang husay, ang pagiging maalaga, ang kabaitan ni John Lloyd. At kung gaano sila kaswerte na nakatambal nila ito. Habang pinapanood ang VTR teary-eyed na siya. Hanggang sa hindi na naman niya napigilang mapaiyak nang magsimula na silang mag-usap ni Tito Boy. Natutuwa raw siya dahil sa kabila ng napakaraming naninira sa kanya, heto at marami ring taong nagpapa-alala kung gaano siya kabuting tao.

Personally, si John Lloyd na talaga ang itinuturing kong ULTIMATE leading man ng showbiz ngayon. At gaya nga ng tweet ko, mas lalo ko siyang hinangaan at minahal dahil kahit super pagod na... hindi siya nasusungit sa mga tao sa kanyang paligid. Napaka-nice pa rin. Kaya naman,  panigurado... wagas pa rin ang ibibigay na suporta ng sambayanan sa pelikula nilang ito ni Sarah. Kahit pa hindi mag-promo, sigurado na. Maging ang girlfriend nga ni John Lloyd na si Angelica Panganiban ay aminadong fan siya nina Laida at Miggy, at maging siya ay pumipila sa sinehan para panoorin ang kwento ng dalawa. Kaya naman, sa holy week... I'll make sure na ang manood ng "It Takes A Man and A Woman" ay una sa listahan ko - March 30, Black Saturday! 

CLICK HERE for more photos!