"Yung hindi mapapagod na ipaglaban ako, hindi isasama yung trabaho ko sa personal na buhay ko, kasi package ako... kasama ko yung pamilya ko," Sarah Geronimo on the next man that she'll love.

First week pa lang ng 2013, pero ginulat na agad ni Sarah Geronimo ang lahat sa kanyang pagiging palaban at open tungkol sa kanyang nararamdaman, nang humarap siya sa ilang myembro ng media sa ginanap na thanksgiving party niya for the press and some supporters. 

This year, she said that she wants to be more involved when it comes to handling her career.

"Gusto ko po mas maging involved sa pagtakbo ng career ko. Mas gusto kong nakakausap ko yung manager ko na si Boss Vic (Del Rosario of Viva), para alam ko yung tinatakno ng career, para hindi yung trabaho lang nang trabaho. Pero syempre meron pa rin pong guidance ng mga magulang, kasi sobrang importante talaga ng guidance. As long as nakikita kong may tama rin naman po ako, importante ng ipaglaban ko rin po ng maayos."

Today, January 6 ay may shooting si Sarah para sa third movie niya with John Lloyd Cruz, ang "It Takes A Man And A Woman." Bahagi ba ng pagbabagong makikita sa kanya this year, ay ang pagiging palaban niya na pati sa pagsabak sa first onscreen kiss niya with John Lloyd?

"Yun po, hindi ko po masasagot. Basta ano po, abangan na lang po. Basta po kailangan pag-usapan. Ready na ba yung mga supporters ko? Ready na ba ako? Half of my heart ready na, pero parang half of my heart hindi pa. Pero naniniwala naman ako sa galing ng direktor namin."

Aside from being more involved with the handling of her career, ano pa ba ang goals inya this 2013?

"At 25 hindi pa rin po ako college graduate, parang nahuli talaga ako pero sobrang pinasasalamatan ko po kasi may trabaho po ako. Passion ko po talaga yung trabaho. Peri unti-unti po matatapos ko rin yung pag-aaral ko. Maswerte ako dahil nakapasok na nga sa Open University (University of the Philippines Open University)."

Is she willing to talk about her failed romance with Gerald Anderson now?

"As much as possible hindi ko na lang gugustuhin pang pag-usapan. Baka two years from now pwede na nating pag-usapan (laughs). Hindi pa po ako komportableng pag-usapan pa."

Knowing how generous Gerald is to the previous special women in his live, did the actor give her a gift last Christmas?

"Wala! Wag na po nating pag-usapan yun. Wag na, tama na. Tama na naman."

Diretsahang tanong, is she lonely?

"Hindi naman po. Hindi naman po. Masaya po kasi maganda yung career, kumpleto ang pamilya ko. Pero syempre hindi ko naman made-denty na lahat naman po tayo meron tayong something na kinalulungkutan o hinahanap. Kailangan maging kuntento tayo para maging happy talaga tayo, tunay tayong masaya."

Ano ang estado ng puso o ng buhay niya ngayon?

"Nasaang stage ako ngayon? Okay naman, thankful ako sa Diyos lahat ng nangyayari it happens for a reason. Saka since day 1, pinagdasal ko naman ito na kung ito talaga ay para sa akin, Lord, go! Pero kung hindi... Kung hindi talaga, kita ko na hindi talaga."

Did she find it hard to let go?

"Opo. Saka lalo na kung may paniniwala ka sa isang bagay o sa isang tao, pero once may makita ka na makakasira nun, ayaw mo nang magbulag-bulagan pa."

Regrets?

"Magsisinungaling po ako kung sasabihin kong walang regrets. Katulad ng sinabi ko po, sana mas ginuard ko yung puso ko."

What will she look for now in a man, kung sakaling may manliligaw na agad ulit sa kanya?

"Tulad ng dati, yung hindi mapapagod na ipagbalan ako, hindi isasama yung trabaho ko sa personal na buhay ko. Kasi package ako, package ako. Kasama ko yung pamilya ko. Kailangan yung lalaki, yung manligaw sa akin alam niya yun, alam niya na meron akong tatay at nanay na nagpo-protekta sa akin."

Her stand on her family being blamed for her failed romance? Sa usaping ito, hindi naiwasan ni Sarah ang maging emosyonal.

"Nanginginig ako! Tama na po, huwag niyo nang isisi sa mga magulang ko yung nangyari. Dahil hindi niyo po alam yung mga totoong nangyari kasi ang sakit sakit po para sa mga magulang ko, lalo na sa nanay ko, na masyado nang bina-bash. Kasi kung ano lang yung nafo-form sa utak nila na kwento, yun na yung pinaniniwalaan nila agad. Pero hindi nila alam kung ano yung mga pinagdaanan namin. Pinagdaanan ko. Bahala na ang Diyos kung sino man yung mga taong involved dito, alam niya alam ko... yung mga totoong nangyari."

For the last time, closed book na ba talaga ang love story nila ni Gerald?

"Oo, oo. May mga bagay na ayaw natin pong ipilit."

Is she ready to fall in love again this year?

"Parang hindi naman tamang panahon pang mag-entertain pa ng bagong manliligaw. Sa lahat naman ng pinagdaanan ko, sana naman matuto na talaga ako. Ayoko na nung history repeats itself."

Her prayers? Her hopes para sa susunod na chapter ng lovelife niya?

"Lahat naman po tayong mga babae gusto na kung sino yung mamahalin natin, yun na talaga, pang-forever na. Basta kung will naman ng Diyos na ibihay sa akin yun, kung yung next boyfriend ko yung makakatuluyan ko, swerte ako. Pero kung hindi man, go pa rin!"

Meanwhile, sana po magawa niyong iboto ang darlasauler.com bilang Pinoy Blog Newsmaker of 2012. Pagkaboto po ninyo, magcomment lang po at ilagay ang inyong pangalan. Example : "Darla Sauler, I voted for darlasauler.com as Pinoy Blog Newsmaker of 2012!" Importante lang po yung name niyo, at kayo na bahala sa comment. Kapag nanalo po ang darlasauler.com, at isa kayo sa bumoto at nag-comment may chance kayong manalo ng $100 through an electronic raffle. Kaya go, vote na for darlasauler.com! 

I-click lang ito --> VOTE!