Coco Martin, bagong manliligaw ni Julia Montes? Enchong Dee, out of the picture na?

Photo from Julia Montes's Instagram account.

Matagal nang laging laman ng usap-usapan ang isyung relasyon diumano between Julia Montes and Enchong Dee. Kahit pa maraming nagsasabing may lihim na umanong relasyon ang dalawa, naging consistent naman si Enchong sa pagsasabing hinihintay niya pang tumuntong sa edad na 18 si Julia. Pero recently, matagal ding hindi nagkita ang dalawa dahil sa pagiging busy ni Julia sa shows at shoot abroad kasama ang Walang Hanggan family niya at si Coco Martin. At ngayong pagbalik ng dalaga, isang bagong isyu ang sumalubong sa kanila ni Enchong. Wala mang relasyon na kinu-kumpirma, ang chika : hiwalay na sila. Mas na-intriga pa ang marami nang sa presscon ng pelikula nilang The Strangers ay nabanggit ni Enchong na "hindi na lang siya katulad ng dati," tinutukoy ang kung anuman ang meron sila ni Julia. Hindi niya rin itinanggi na isa sa mga dahilan kung bakit hindi na katulad ng dati kung anuman yun, ay ang kakulangan nila ng oras sa isa't isa.

Kaya naman ang kasunod na tanong agad ng marami... si Coco Martin na nga ba ang bagong nanliligaw kay Julia ngayon, dahil nga sa tagal ng pinagsamahan nila sa teleserye? 

"Wala pang 18 eh, kapag 18 na, saka na natin pag-isipan," ang naging sagot ni Coco sa isyu nang ma-interview siya ng The Buzz.

Pansinin lang na in all fairness, ang sagot na ito ni Coco, ganto rin ang mga sagot ni Enchong noon tuwing matatanong tungkol sa estado ng relasyon nila o panliligaw niya kay Julia.