"It’s the thought, gusto ko lang malaman niya na palagi siyang nasa isip ko," Xian Lim on giving Kim Chiu a Prada bag

Wala na talagang makakapigil pa sa pag-blossom ng Kim Chiu-Xian Lim love story! Mula sa pagtatambal nila sa My Binondo Girl, hanggang sa pinakabagong serye nilang Ina, Kapatid, Anak... lahat nakasubaybay na sa patutunguhan ng kanilang magandang tinginan. Sa interview nga sa kanila na ipinalabas kanina sa The Buzz, inamin ng dalawa ang mga pagbabago sa kanilang samahan.

“Mas naging close kami ngayon, si Xian sumasama siya sa amin ngayon since kaunti lang friends niya from showbiz, yun nga sabi niya loner siya, masaya siyang kasama,” ang sabi ni Kim.

Consistent din daw ang pagiging thoughtful at generous ni Xian kay Kim. A couple of months ago nga lang, isang pink Prada bag daw ang ibinigay ni Xian sa Primetime Princess.

“Pag umaalis siya ng bansa, may pasalubong siya sa akin, yung gift niya na wala namang okasyon, yung bag na pink, yung prada bag, sabi ko ano’ng meron, wala lang, mga two months ago siguro,” Kim said.

Sabi naman ni Xian, “kahit ano pa man yan, kahit ano pang things yan, it’s the thought, gusto ko lang malaman niya na palagi siyang nasa isip ko, ganun naman yun di ba, doesn’t matter kung anong binigay mo, as long as naisip mo siya.” Dagdag pa niya, “I will always be here to make this girl feel really special. If she needs a helping hand or open ear, I will be here.”

Pero hindi lang daw sa kanya consistent ang pagka-thoughtful at sweet ni Xian. Dahil maging sa kanyang pamilya, ay ganun din daw ang heartthrob. 

“Tina-trato niyang special ang buong pamilya ko. Kahit pumunta siya sa mall show sa Cebu, gusto niyang dalawin lola ko, sabi ko ano’ng gagawin mo sa lola ko, sabi niya puwede bang dumalaw sa bahay niyo. Sabi ko ano’ng gagawin mo doon, wala makikikain lang. Parang nakakatuwa naman at sana hindi siya mapagod at magsawa,” kwento ni Kim.

Pero ano nga ba ang real score between them?

“Masaya naman kami kung ano kami, ang bahala na kung kailan maging kami or anuman, tingnan na lang natin, mas mahirap kasing mag-trabaho kung mag-jowa kayo," sabi ni Kim. 

Naging vocal din si Kim sa pagsasabing ready na ulti siyang magmahal, dahil naka-2 years na rin naman ang pagmo-move on niya from her previous relationship with Gerald Anderson. Personally, masasabi ko rin talaga na very happy and peaceful na ngayon si Kimmy tuwing nakikita at nakakachikahan ko siya in person or sa text man. May kinalaman ba si Xian sa newfound happiness niya? "Kahit naman hindi dumating si Xian, masaya na naman ako, mas masaya lang ako na nakahanap ako ng bagong kaibigan," ang sagot ni Kim.

Pero eto naku... marami pang pasabog si Kim, lalo na si Xian (based on his pre-interview statements), na mapapanood niyo bukas live na live sa Kris TV. Kim and Xian, in a romantic setting, with Kris Aquino - 8am live tomorrow. Wag pong palampasin!

CLICK HERE for more KIMXI publicity photos!