"Matagal na po akong okay," Sarah Geronimo on her failed relationship with Rayver Cruz

Matapos lumabas ang buong kwento tungkol sa "love triangle" involving Sarah Geronimo, Rayver Cruz and Cristine Reyes sa YES Magazine... isang exclusive interview ang nakuha ng The Buzz mula mismo sa Popstar Princess kung saan, for the last time Sarah shared what she feels tungkol sa pinagdaanang pagsubok sa kanyang buhay pag-ibig.

Sa interview ng The Buzz sa kanya, inamin ng box office queen na hindi naging madali for her and her family ang desisyong magsalita na siya finally tungkol sa issue.

"Syempre di po madali... Nung una ayoko na talagang pag-usapan, ayoko na pong mabulatlat pa kung ano nangyari... Pagpiyestahan kami, ayoko na. Pero wala eh... masyado na kasing masakit para hayaan ko na ibang tao, na ganituhin ako, pamilya ko... so kailangan na rin talaga," pahayag ng singer-actress.

Ang pagpapa-interview daw nina Cristine at Rayver ang isa sa mga dahilan para magsalita na rin siya. "Kasi nagsasalita rin sila, para naman akong tanga kung di ako magsasalita di ba? Meron naman akong dila, may karapatan din akong ipagtanggol sarili ko, pamilya ko..."

"Mahirap ding masyado mong kino-contain sa sarili mo ang emotions mo, wala kang outlet, wala kang mapagsabihan. Mas naging ano ako, relaxed. Mas okay po ako na nakapagsalita ako, di tulad noon na tinatago ko," dagdag pa ni Sarah.

Kung meron man siyang dala-dala hanggang ngayon mula sa heartbreak niyang ito, yun daw ay ang lessons na natutunan niya. Naging stronger and wiser daw siya bilang isang tao. "Sana maintindihan ng tao na kami ay tao lamang din (giggles)," ang request ni Sarah.

Pero kung tatanungin siya kung nakapag-move na ba siya sa pangyayaring ito sa buhay niya, sinabi ni Sarah na matagal na raw. "Di ko lang talaga akalain na aabot sa ganito, matagal na po akong okay."