RAYVER CRUZ admits involvement in Sarah Geronimo-Cristine Reyes feud!

Matapos ang controversial tweets ni Cristine Reyes na ngayon ay sinasabing patungkol diumano kay Sarah Geronimo, finally ay lumantad na at nagsalita ang lalaking itinuturong puno't dulo ng iringan between the two kapamilya actresses. Sa isang one-on-one interview ay inamin finally ni Rayver na siya nga ang dahilan kung bakit sumabog at nag-tweet ng ganun si Cristine. Pero isa lang yan sa mga inamin ng aktor, para sa iba pang detalye... basahin ang full transcription below, mula sa interview sa kanya ni Boy Abunda for The Buzz.

BOY : Rayver maraming, maraming salamat sa pagkakataong ito. Nais ko lamang sabihin sayo, that hindi lingid sa kaaalaman ng publiko that I always look forward to interviewing Cristine Reyes dahil lahat ng aking tinatanong ay sinasagot. Wala syang inaatrasan. And the last guesting she did on The Buzz was the Abunda Challenge, kung saan siya’y aking tinanong kung at one point nagkaroon kayo ng relasyon at sinabi niyang oo. So I’ll ask you the same question. Rayver, nagkaroon ba kayo ng relasyon ni Cristine Reyes?

RAYVER : opo Tito Boy, nagkaroon po kami ng relasyon.

BOY : kwentuhan mo ako.

RAYVER : nagkaroon kami ng relasyon, eto yun nung April and masyado kasing mabilis Tito Boy eh. Alam naman nating lahat na kapag minamadali yung lahat ng bagay, hindi maganda. So kahit ako mismo nabibilisan, kahit siya rin. So nakapagdesisyon kami na mas kilalanin muna yung bawat isa. And yun yung nangyari samin, nawala kami naghiwalay kami and naging magkaibigan kami, lumabas-labas kami. And yun nga gusto ko kasing mas maging solid yung samahan and yun nga niligawan ko siya Tito Boy.  

BOY : alright hindi ko pa tatanungin kung naging kayo ulit pero dito muna tayo Rayver... Kayo ba ni Sarah Geronimo, nagkaroon ng relasyon?

RAYVER : ah sasabihin ko po sa inyo Tito Boy... Totoong minahal ko po si Sarah. And dahil nga kasi nirerespeto ko naman kasi yung desisyon ng mga magulang niya, and alam ko naman talaga na bawal pa. So ako na rin po mismo yung lumayo. Pero napakaswerte ng taong mamahalin niya at ng taong magmamahal kay Sarah pagdating ng panahon kasi napakabuting tao po talaga ni Sarah. Pero sa kabila ng lahat napakaswerte ko rin po talaga ngayon, kasi alam ko may taong nagmamahal sakin ng sobra at may taong minamahal ko ng sobra sobra

BOY : okay. Deretsahan Rayver, una, kayo na ba ni Cristine Reyes? Girlfriend mo ba si Cristine Reyes, oo o hindi?

RAYVER : opo Tito Boy kasi siya yung taong tinutukoy ko eh.

BOY : at one point in your life hinabol ka ba ni Critsine Reyes?

RAYVER : hindi po tito boy. Actually baligtad nga po. Ang daming naghahabol kay Cristine napakaswerte ko kasi ako yung nagustuhan niya.

BOY : bakit kayo nagclick ni Cristine?

RAYVER : ano kasi siya eh maraming bagay na gusto ko sa kanya, yung totoo siyang tao. Sa kabila ng lahat ng lahat kasi ng mga humuhusga sa kanya, hindi nila nakikita yung totoong Cristine, ako nakita ko yun. Masayahin, makulit parang bata paminsan. Higit sa lahat napakasarap magmahal, maalaga and lagi siyang nandyan para sakin kaya mas lalo ko pa siyang minahal dahil sa katangian niyang yun.

BOY : ano sa palagay mo ang nagustuhan niya sayo?

RAYVER : siguro nag-jive po talaga kami.

BOY : paano mo siya niligawan? Mahirap bang ligawan si Cristine Reyes?

RAYVER : hindi ko sasabihin pong napakadali siyempre yung ganung klaseng babae, paghihirapan mo yun. Nakakatuwa lang kasi nakakalabas labas kami nung magkaibigan kami. And yun nga, niligawan kon siya ulit.

BOY : ano to, personal? Ah inspite of her schedule, you found time to be with her?

RAYVER : opo and ako rin mismo yung nagte-text sa kanya kung pwede ka bang lumabas ganun nga and papayag naman siya tapos lagi akong may flowers na dala kasi pakiramdam ko hindi nalalaos, everytime walang sablay na pag bibigyan ko ng bulaklak ang isang babae, napapangiti mo...

MARAMI PANG INAMIN SI RAYVER! READ MORE! 

BOY : itong usaping sarah and Cristine, may mga nagsasabing nagtatago ka raw at hindi mo hinaharap ang isyung ito?

RAYVER : simula’t sapul kasi Tito Boy tahimik lang talaga ko and bihira talaga kong magsalita. pero sa ngayon kasi alam kong ito yung tama, alam kong ito yung dapat gawin so ginagawa  ko  

BOY : uulitin ko yun bakit ka nagdesisyong magsalita ngayon?

RAYVER : kasi sa kabila ng lahat ng pangyayari kung meron mang dapat sisihin, ako yun eh... kinukuha ko yung responsibilidad para sa lahat ng pangyayari, inaako ko lahat.

BOY : okay may kinalaman ito doon sa diumano'y nangyari sa ASAP. May mga nagsasabing ikaw daw ay napapagitna dito sa kontrobersiyang ito, between Sarah and Cristine dahil diumano'y ikaw ang nagsabi at nagbalita kay Cristine sa diumano'y mga salitang binitiwan ni Sarah, doon sa rehearsal sa ASAP. Totoo bang ikaw ang nagsabi kay Cristine, ano ang katotohanan?

RAYVER : yes Tito Boy,I take full responsibility for everything kasi alam ko naman na tama lang yung ginawa ko naging honest lang ako sa girlfriend ko and lahat naman ng bagay bago ko ginagawa pinag iisipan kong mabuti. Lahat naman ng relasyon gugustuhin natin maging honest tayo sa bawat isa.

BOY : Rayver sa palagay mo ba may nagawa kang hindi mabuti kay Sarah Geronimo, may nagawa ka bang kasalanan kay Sarah?

RAYVER : kasi Tito Boy, alam niyo pinalaki ako ng magulang ko lalo na ng tatay ko na wag gumawa ng kamalian o kasalanan sa isang tao. Kaya wala anuman intensyon talaga kong makasakit o makasama ng loob sa kahit na sinong kapwa nating tao lalong lalo na kay Sarah.

BOY : let's talk about learnings ano ang iyong natutunan, dito sa kaganapang ito?

RAYVER : ang natutunan ko po talaga is hindi mo talaga pwedeng mapasaya ang lahat. Merong masasaktan merong matutuwa and yun yung pinili ko ngayon, gusto kong matuwa sakin at maging maligaya yung taong minamahal ko.

BOY : anong nais mong sabihin kay Sarah, mensahe para sa kanya?

RAYVER : kay Sarah, kelan man wala kong intensyon na saktan ka and sa kabila ng lahat ng sinasabi ng mga tao, sana ako yung paniwalaan mo na nirerespeto talaga kita

BOY : ano ang nais mong sabihin kay Cristine Reyes?

RAYVER : simple lang Tito Boy na lagi akong nandyan para sa kanya and alam mo naman kung gaano kita kamahal and dun din ako nagpapasalamat kasi nakita ko sayo kung gaano mo rin ko kamahal. And napakaswerte ko ngayon kasi nasakin ka. And ayun ang saya ko ngayon kasi masaya kaming dalawa eh.

BOY : paano mo gustong matapos ang lahat ng ito, lalong lalo na itong kontrobersiya na may kinalaman kina Sarah at Cristine?

RAYVER : naku Tito Boy gustong gusto ko na po talagang matapos to. Kasi gusto ko lahat tayo magkaroon ng masayang pasko lalo na ko, sa kabila ng lahat ng nangyari sa kabila ng mga panghuhusga naiintindihan ko naman na sana balang araw ay maging masaya rin kayo para samin lahat.

BOY : huling katanungan sa isang salita i-describe mo nga sakin si Cristine Reyes.

RAYVER : isa siyang gift. Kasi Tito Boy nagsabi sakin kaibigan ko na past is past, future is a mystery, and present is a gift at siya yung gift ko ngayon.

BOY : dahil she’s your present. Thank you Rayver.