"Nakalimutan ko ang Diyos," Hayden Kho on his mistakes, and on moving on.

Kahapon sa The Buzz ay first time napanood ng sambayanan si Hayden Kho, Jr. sa isang isang live interview sa isang talk show, talking about his past mistakes - the controversial sex videos, and his present life. Dito ay naging very humble si Hayden na tanggapin ang kanyang pagkakamali, and to face all the consequences. Naging aminado siyang noong mga panahong pumutok ang mga sex video scandals niya ay naging marupok siyang tao, naging mahina sa tukso at inakalang nasa kanya na ang lahat. Sabi niya nga, "nakalimutan ko ang Diyos." Pero ngayon, habang pinagsisisihan ang kanyang mga nagawa, at sinisimulang patawain ang mga nagkamali naman sa kanya, ay masasabi naman daw ni Hayden na mas malakas na siyang tao ngayon.

Sa interview niyaring ito ay walang paga-alinlangan nang kinumirma ni Hayden na nagkabalikan na sila ng dating kasintahang si Dra. Vicki Belo. Ito ay sa kabila ng hayagang pagpapapahayag ng mga anak ni Vicki na hindi nila matatanggap at magagawang mahalin si Hayden, nang ma-interview silang mag-iina ni KC Concepcion sa Simply KC a few months ago. Nang hingin naman ni Boy Abunda ang reaksyon ni Hayden sa pahayag na ito ng anak ng babaeng kanyang minamahal, ito ang naging pahayag ni Hayden.

“I’m out to live my life for myself and for the person I love. I am not out to please other people. Sinubukan ko na ‘yan dati. Ginagawa ko ang mga bagay para sa ibang tao, it didn’t work out. Ngayon natutunan ko na kung mayroon akong bagay na gagawin, ito ‘yung bagay na gusto ko lang talagang gawin para sa sarili ko. Sana lang, dasal ko, na sana makita nila in time na mahal ko talaga si Vicki.”

Sa ngayon ay hinaharap na ni Hayden ang buhay bilang isang changed person, at kailan lang ay naglabas siya ng sariling line niya ng pabango.