"It's now time for me to stay away from her," John Lloyd Cruz on Ruffa Gutierrez

Sa patuloy na pag-init ng hindi mamatay-matay na issue tungkol sa diumano'y patuloy na communication nina John Lloyd Cruz at Ruffa Gutierrez, kahit pa committed na sa ngayon ang aktor kay Shaina Magdayao, finally through Showbiz News Ngayon (SNN) ay humarap na rin sa publiko ang ultimate leading man ng industriya para klaruhin ang mga bagay-bagay. Una nang nilinaw ni John Lloyd ang kontrobersiyal na on-going communication daw nila ni Ruffa.

"When I was asked before about it, if I was still  in communication with Ruffa, parang  hindi ko madiretso kasi hindi siya  ganon kadaling tanong na sagutin. It's not communication like kung paano siya ini-insinuate ng mga tao, ng ilang mga members ng press di ba. It's communicating na may effort  na to address some issues na involved kami pareho. Because as you know it, madalas  na may pagkakataon na sasabihin nili-link pa rin kami, and may maririnig ka or may maririnig ako na may sinabi ako, may sinabi siya so, anong dapat mong gawin pag ganon? So sa amin, for two people na who used to be together, it's just normal na pag-usapan niyong kayo mismo kung ano ba talaga yung lumalabas na issues, na sinabi mo o sinabi ko... Ganon lang kasimple yun," ang paliwanag ng aktor.

Itinanggi rin ni John Lloyd na nagkaroon siya ng intensyon na magsinungaling sa publiko. Dagdag pa niya : 

"Wala, I mean siguro yung pagkakataon kung kalian naitatanong siya o kailan dapat sagutin, dun lang nagkakaroon ng ano eh, ng pagkakaiba eh, pero what I'm saying now, eto yung dapat kong sabihin eto yung gusto kong sabihin."

Sa gitna ng issueng ito, malaki naman ang pasasalamat ni John Lloyd dahil wala siyang naging problema kay Shaina. 

"As you know it hindi naman ito first time nangyari di ba? Parang paulit ulit na nga ito, para na nga kaming mainstay sa isang show sa TV5 eh. Pero si Shaina, she’s been very understanding about the whole thing, very mature about it, we're very much okay, wala kaming problema about it and nagkakaintindihan kami, pag ganon mas lalo mong minamahal yung tao."

At para tuluyan nang matigil ang usaping ito, ito ang nakikitang solusyon ni John Lloyd :

"Ano lang naman kasi ito eh, here are two people who used to be together. But who are open to the idea of friendship after a relationship, parang we tried naman, pero may mga bagay na hindi na namin, in other words, parang nakakapanghinayang kasi, kaya naman sana eh, kung hindi lang binibigyan ng malisya ng ibang tao. Siguro yung friendship can last, for how long I don’t know. Pero minsan dala na rin nung kagagawan ng ibang tao, binibigyan ng malisya, kung anu-ano ang ini-insinuate, eh unfortunately and sadly , nakakasira and I don’t know, for now, para siguro matahimik na rin lahat, especially  people who are dear to me, hindi na rin kasi maganda yung mga naglalabasan eh, parang  laging ako yung napapasama, often times, they put me on a bad light and it's not easy for my family, it's not easy for Shaina, it's not easy for our relationship... So para matapos na, siguro it's ime for me to ano, stay away muna. Siguro para alam na rin nila, it's time to make it public na maybe, it's now time for me to stay away from her, para na rin matapos na no, out of my respect for her and for my family. Ganon na lang."

Sa tanong naman kung tuluyan niya nang isinasara ang pinto sa posibilidad na pagiging friends nila ni Ruffa, eto naman ang diretsang sagot ng aktor. 

"Siguro kasi kung ganito lang naman ang mangyayari, parang bakit ba sobrang laking issue na parang pag nag-communicate yung dalawang tao who used to be together, parang napakalaking issue sa kanila, I mean sayang lang, hindi siguro kinaya nung friendship.  So maybe it's best kung medyo ako na yung lalayo. Pero don’t get me wrong ha, wala akong pinuputol na anything. Siguro for now eto muna yung pinakamagandang magagawa ko."

Sa pagsasalita niyang ito, aasa na lang daw si John Lloyd na matitigil na ang issues sa kanila. Sobra na raw kasi ang mga lumalabas na usapin kaya napilitan na siyang magsalita.

"Sobra na eh. Parang sagad na sagad na yung ano sa akin, parang masyado naman akong napapasama na ngayon, parang na-realize ko lang na parang ngayon na dapat magsalita... Eto na yung akin, sabi ko nga may mga bagay na  hindi ko na hawak. So pagka ganun, ang pwede mo na lang panghawakan, yung sa'yo. Kung ano na lang ang parte mo. But ako talaga personally, kung ano pa yung lalabas after nito, wala nako diyan," ang paniniguro ni John Lloyd.

Sa kasagsagan ng lahat ng ito, malaking sorpresa raw kay John Lloyd kung gaano ka-mature at supportive si Shaina sa pag-handle sa mga bagay-bagay. Kaya naman mas lalo pang napapamahal sa kanya ngayon ang aktres.

"Gusto ko lang for Shaina, kung paano siya naging  supportive and mature and kasama ko, through all these, parang now is a good time para ma-appreciate siya, I just wanna tell her na I really love her and for her patience and understanding, and it makes me wanna love her more and sana maging maayos lahat because I love the life that we have togerher and I can't let anyone or anything take that away from me," ang pagtatapos ni John Lloyd.