John Lloyd Cruz tells all about Sarah Geronimo, Ruffa Gutierrez and Shaina Magdayao!

Wow! As in wow! Lahat ng tao sa studio ng The Buzz kanina ay napapa-react / napapatili sa bawat revelation ni John Lloyd Cruz sa one-on-one interview sa kanya ng King of Talk na si Boy Abunda, para sa undisputed showbiz talk show ng bansa, ang The Buzz. Para po sa lahat ng naka-miss ng another The Buzz TV moment na yun, here's the full transcription of the interview :

BOY : Umpisahan natin, let's start from the easy ones. Bad influence daw si john Lloyd sa kaniyang mga kasama what is your take?

JL : Siguro hindi ako makakapagsabi o makakasagot. Ayoko naman i-claim na ako'y isang mabuting ehemplo o good influence sa mga kaibigan, sa mga nakakabata kong pinsan, sa mga napapalapit sa akin...

BOY :  No but this is your chance, it's answerable by yes or no. You know yourself.

JL :  Sana hindi... kasi hindi mo alam kung ano epekto mo sa ibang tao... Ngayon wala naman akong sinasabi o nagagawa na pwedeng magbigay sa kanila ng dahilan para malagay sila sa masama

BOY : You are a womanizer, babaero ka raw?

JL : Ouch!

BOY : How do you manage it?

JL : Kanina nung lumanding yung mga tanong na yan galing sa mga bibig ni Ate Nancy (The Buzz Executive Producer who briefed JL before the interview) kasi kasunod nung tanong with Sarah, with Ruffa... Parang sa 'kin yung mga pangalan ng mga babae na yan, lahat sila nagkaroon ng special part in my past, and wag na natin gawing parang as if at this moment lahat sila nasa tabi ko at yakap-yakap ko. Mga naging parte ng past mo, ng buhay mo and di mo naman tinatanggal o binubura...

BOY : Since you mentioned Sarah umpisahan natin dun. Diretsong tanong ito, ang aming pagkakaalam ay pinaasa mo raw si Sarah na diumano'y sinabi mo raw na antayin mo lang ako in five years or I don’t know, liligawan kita... What is the truth?

JL : That’s not true. Hindi mo yun sinasabi o hindi mo yun pinapangako sa isang babae, ano yun mag-aantay ka dyan ‘antayin mo ko ha or antayin mo ko after 4-5 years,’ hindi mo naman alam kung anong pwedeng mangyari eh. So hindi yun totoo.

BOY : Ano ang totoo niligawan mo ba si Sarah? Did the girl fall in love with you? Did you fall for her? What is the truth?

JL : Whoo! Mataas ang respeto natin sa katotohanan and gusto kong iwanan lang siyang ganun... May respeto ako sa kaniya, sa mga magulang niya, and kung anuman yung napaka-importanteng katotohanan, maari sigurong sapat na sa aming dalawa... na alam niya, alam ko kung ano yung totoo.

BOY : Kamusta kayo ni Sarah ngayon?

JL: ... Okay ako, okay ako sa kanya, wala akong problema.

BOY : Go back to the last time you saw each other how was it?

JL : Sa ASAP pero nagkausap din kami prior to that day  na nagkita kami sa ASAP. Nagkamustahan kami and okay naman siya and sabi ko nga sa kaniya ‘ikaw, ikaw kamusta ang controversial lady’ and sabi niya oo nga nasa akin ang spotlight ngayon. Masaya, masaya siya. At that point okay na siya. Okay siya.

BOY : Nagsumbong sa'yo tungkol kay Rayver?

JL : Wala kaming napag-usapan...

BOY : Isa pa sa mga pinag uusapan at mga naisulat, diumano'y ang dahilan kung bakit di kayo nagkatuluyan ni Sarah Geronimo ay ang ating kaibigang Ruffa Gutierrez?  Ito ba'y totoo o hindi?

JL : Hindi yun totoo.

BOY : Pero ito deretsa again, nagkaroon ka ba ng relasyon kay Ruffa Gutierrez?

JL : Yeah, it’s a very special relationship [long pause]...

BOY : Ito naman totoo ba na nag-away at hindi nagkaunawaan si Shaina Magdayao saka si Ruffa Gutierrez. Didiretsa ko na, nagkasabay ba si Shaina saka si Ruffa?

JL : Nagkausap sila and nagkaayos na, tapos na, so walang problema.

BOY : You're talking about the misunderstanding... Pero yung nagkasabay ba, nagkasabay ba, nag-overlap ba si Shaina saka si Ruffa?

JL : No...

BOY : Inagaw mo ba si Shaina kay John Prats?

JL : No.

BOY : Alam mo ba na diumano'y masama ang loob ni John Prats sa'yo?

JL : Yun kasi yung nakakatawa tsaka... Sa kalagitnaan ng mga usap-usapan na yan dati... Ito yung kay john... Siyempre ang tama mong gagawin bilang lalaki kakausapin mo yung tao and nagkausap kami and sa usap namin lalaki sa lalaki, okay maayos.

BOY : Lloydie sandali lang, nagkausap kayo tungkol kay Shaina? That's important to us.

JL : Yes kasi ang nangyayari na nun ay parang naapektuhan na yung reputation nung tao. She was being put in a bad light and hindi naman yun fair.

BOY : Sino ang nag-initiate ng usapan?

JL : Ako.

BOY : Nangyari sa ABS, sa labas ng ABS?

JL : It was over the phone kasi ano eh...

BOY : Hindi namin alam ito so nagkausap kayo... Did he tell you straight na masama ang kaniyang loob?

JL : Okay siya. Like wala na yun, let;s move on, ganun yung mga salita niya...

BOY : So nag-usap kayo ng maayos at nagtapos kayo ng maayos 

JL : Lalaki sa lalaki... Kasi siyempre sabi ko nga sa kaniya alam mo let's put our egos aside kasi kung meron mang naapektuhan dito, sa hindi magandang paraan, yung babae. Sabi ko sa kaniya are you saying this, are you saying that sabi niya ‘hindi.’ ‘Okay pare i'll take your word for it, lalaki sa lalaki ang usapan natin naniniwala ako sayo. So kung anuman ang maririnig ko sa iba hindi ko na yun iintinidhin...

BOY : Mapangahas na tanong, pumasok ka sa buhay ni Shaina wala na sila ni John? Hindi ikaw ang dahilan kung bakit naghiwalay si John Prats at si Shaina?

JL : Hindi ako. Hindi ako.

BOY : And John was out of Shaina’s life when you became friends...

JL : Matagal na kaming friends, matagal na kaming nagkakasama sa trabaho, sa paglabas labas namin dahil nasa isang circle kami sa ASAP...

BOY : May mga usap usapan pa raw na while you’re very close to Shaina diumano’y ika’y nakita na kasama si Ruffa na nagba-bike. What is the truth, is it true?

JL : Not at all.

BOY : Ginagamit mo raw si Shaina para pagtakpan mo ang iyong relasyon kay Ruffa?

JL : Sobrang andami nang anggulo.

BOY : Yung iba ba tinatawanan mo na lang?

JL : Ngayon kasi sabi ko nga Tito Boy, okay ako eh. Sobrang hindi naman ako magiging okay o maayos o magaan ang pakiramdam kung mayroon akong tinatapakan o meron akong tinatago… mamaya i'll have something to say para sa kanilang lahat...

BOY : Ito muna para di na tayo paligoy ligoy pa, si Shaina ba ay girlfriend mo?

JL : Ang tagal kong hiningi tong timing na to... since nandito na tayo... And para matigil na yung mga… kasi andami rin kasing nagca-cause din kasi ito ng mga hindi magandang nararamdaman ng mga taong importante sa buhay natin... once and for all gusto ko na rin sabihin... yes its us… [long pause]

BOY : But I'm happy im really happy. You know how special she is to me. And thank you for your honesty... you’re sharing something very important with me as a fan, you’re sharing with me something that is private and personal and tinatanaw namin yan na malaking bagay...

JL : Salamat Tito Boy... eto kung bakit ako nandito ngayon. Malaking part din eto dahil I wanted to come out, and once and for all say something kasi andami nang taong nagte-take advantage sa pagtahimik ko sa pananahimik ko, and hindi na maganda. Maraming tao na yung nadadamay maraming tao na yung nasasaktan for me and for themselves. Hindi na nakakatuwa...

BOY : Tama ka dahil pag tumahimik ka at patuloy kang mananahimik some people will take advantage of that silence...

JL : Yeah totoo, especially yung ibang accusations ng mga ibang tao ng ibang manunulat. Baka akala niyo lang ho na nakakagawa lang o nakakapagpasa lang kayo ng trabaho para kumita, mahirap kuwestiyunin yun, hindi ko kukwestyunin yun nasa sa inyo yun eh... Kaya lang may ano na eh, may epekto na siya. Kapag may sinasabing hindi maganda about me or about you Tito Boy, sinong mga nasasaktan, nanay mo, kapatid mo, mga mahal mo sa buhay. Ganun din ho ako kagaya niyo and parang feeling ko dapat magsalita na ko kasi kumbaga para sa kanila din hindi lang para sa 'kin... So para sa akin talaga ngayon at this point, wala ko talagang maico-complain sa buhay ko and yung sa lahat ng mga tao who don’t mean me well, I can only wish them the same happiness that I have right now...

BOY : Did you tell Shaina that you’re going to tell us na kayo na?

JL : Hindi pero alam niya na siguro sana naramdaman niya na hindi lang ako tatahimik at hindi ko lang hahayaan na patuloy na huhusgahan yung pangalan niya. Yung mga ini-imbento ng mga tao about me about her, and sa ibang tao na rin na mga ibang tao na nadadamay na baka naman hindi naman nila hinihiling na madawit yung pangalan nila sa pangalan namin...

BOY : But you know your heart that you made her very happy...

JL : Actually Tito Boy the beauty of it is that, hindi ako dumating dito na alam ko yung gagawin ko hindi ako pumasok dito na alam ko yung sasabihin ko dumating siya lumabas sa bibig ko… yun ang totoo.

BOY : Ano ang nais mong sabihin, sabihin mo na it's your birthday. This is a very, very special moment for us, iyong mga tagahanga, sambayanang pilipino, coming from you... we will listen...

JL : Talagang ako everytime lalo na kapag nalalapit ang birthday ko punong puno ka lang ng pasasalamat... alam niyo hindi naman talaga ko yung ganyang tipo, yung uupo ako dito mag uusap tayo tungkol sa personal kong buhay... Pero tingin ko every year nangyayari tong mga ganitong bagay, dahil it's time for me to give back sa mga taong pinagkaka-utangan ko ng loob...

BOY : Maraming salamat Lloydie. Maraming salamat.  


Source : The Buzz