Piolo Pascual's choices of Leading Ladies!

Isang gabi na lang at matatapos na ang Lovers in Paris! Kaya naman ang dami nang nalulungkot dahil magkakahiwalay na sina Vivian at Carlo - KC Concepcion at Piolo Pascual. Ang inaabangan ng marami ngayon : sino ang susunod na leading man ni KC? At sino naman ang next leading lady ni Papa P?

Last night sa Christmas / Farewell party ng Lovers in Paris, kung saan dumating lahat ng crew, staff and cast nila, na-corner ng SNN si Papa P at diretsahang itinanong sa kanya ang tanong ng bayan! Ang unang babaeng pumasok sa isip ni Papa P? Well, matutuwa ang mga PasIonistas! "Masaya ako na nakasama ko si KC, you know this is a dream come true for me. Matagal na hinintay ng mga tao yun eh," ang sabi ng in demand leading man.

Pero syempre, kung hindi na sila ni KC ang magiging magka-partner, nagbigay din si Papa P ng ilang names na gugustuhin niyang maka-trabaho! "Si Bea [Alonzo] gusto ko ulit makasama, last ko siyang nakasama i think 17 years old pa lang yata siya sa Dreamboy [Mr. Dreamboy - Star Cinema movie]. And there’s Angelica Panganiban, of course na nakasama ko sa Mangarap Ka. So, maliit lang naman ang mundo natin i'm sure naman iikot pa rin yan and ah, i don't mind you know, doing soap or a movie with anybody. You know kasi masarap katrabaho yung mga kasama ko... Wala akong maisip na pwedeng iwasan o kailangang iwasan."

Nang tanungin naman kung aware siyang siya ang ultimate crush ng Popstar Princess na si Sarah Geronimo, ito ang pa-iwas na sagot ni Papa P : "Si Sarah naman palabiro masyado yun eh, okay naman kami pero hindi pa nagkaka-boyfriend yung tao so kung sino man yung magiging boyfriend niya eh napakaswerte kasi talagang napakaworkaholic pa." Pero when asked again if he knows na siya ang laging sinasabi ni Sarah na crush niya, umamin din si Papa P! "Hehehe! Akala ko naka-ano ako! Ah, naririnig ko naman, nababasa ko, napapanood ko kung minsan. Oo. Oo lang talaga nasabi ko! Miski naman ako pag nakikita ko siya sa asap nagbibiruan pa rin kami eh, sabi ko wag mo kong tatawaging kuya."